И рече ему Буй Туръ Всеволодъ: одинъ братъ, одинъ свѣтъ свѣтлый ты Игорю, оба есвѣ Святъславличя; сѣдлай, брате, свои бръзыи комони, а мои ти готови, осѣдлани у Курьска на переди; а мои ти Куряни свѣдоми къ мети, подъ трубами повити, подъ шеломы възлелѣяны, конець копiя въскръмлени, пути имь вѣдоми, яругы имъ знаеми, луци у нихъ напряжени, тули отворени, сабли изъострени, сами скачють акы сѣрыи влъци въ полѣ, ищучи себе чти, а Князю славѣ.

Источник: Слово о полку Игореве

Другаго дни велми рано кровавыя зори свѣтъ повѣдаютъ; чръныя тучя съморя идутъ, хотятъ прикрыти д̃ солнца: а въ нихъ трепещуть синiи млънiи, быти грому великому, итти дождю стрѣлами съ Дону великаго: ту ся копiемъ приламати, ту ся саблямъ потручяти о шеломы Половецкыя, на рѣцѣ на Каялѣ, у Дону великаго.

Источник: Слово о полку Игореве

Яръ туре Всеволодѣ! стоиши на борони, прыщеши на вои стрѣлами, гремлеши о шеломы мечи харалужными.

Источник: Слово о полку Игореве

Камо Туръ поскочяше, своимъ златымъ шеломомъ посвѣчивая, тамо лежатъ поганыя головы Половецкыя; поскепаны саблями калеными шеломы Оварьскыя отъ тебе Яръ Туре Всеволоде.

Источник: Слово о полку Игореве

То было въ ты рати, и въ ты плъкы; а сице и рати не слышано: съ заранiа до вечера, съ вечера до свѣта летятъ стрѣлы каленыя; гримлютъ сабли о шеломы; трещатъ копiа харалужныя, въ полѣ незнаемѣ среди земли Половецкыи.

Источник: Слово о полку Игореве

Ты бо можеши Волгу веслы раскропити, а Донъ шеломы выльяти.

Источник: Слово о полку Игореве

Ты буй Рюриче и Давыде, не ваю ли злачеными шеломы по крови плаваша?

Источник: Слово о полку Игореве

Суть бо у ваю желѣзныи папорзи подъ шеломы латинскими.

Источник: Слово о полку Игореве

Кое ваши златыи шеломы и сулицы Ляцкiи и щиты!

Источник: Слово о полку Игореве

Единъ же Изяславъ сынъ Васильковъ позвони своими острыми мечи о шеломы Литовскiя; притрепа славу дѣду своему Всеславу, а самъ подъ чрълеными щиты на кровавѣ травѣ притрепанъ Литовскыми мечи.

Источник: Слово о полку Игореве